Жаман адаттардан арылуу

Зыяндуу адаттар – ден-соолукка бир гана түз зыян келтирген нерселер эмес. Ашыкча уялчаактык, кежирлик, прокрастинацияга болгон сүйүү уйкунун жетишсиздигинен жана ашыкча тамактануудан кем эмес зыян келтирет. Сапаттуу жашоого жолтоо болуп жаткан нерселерден кантип арылуу керек? 

 

• Сени зыяндуу адаттарга түртүп жаткан нерселердин бардыгын кагазга жаз, мисалы: максат – суткасына 8 саат уктоо. Жолтоо: сериалдарга жана соцтармактарга болгон сүйүү. Жана мүмкүн болгон чечимдерди ойлонуп көр, мисалы: бир эле серияны көрүү же 21:00дөн кийин гаджеттерди өчүрүү.
• Чыдамдуу бол!Адат 21 күндүн ичинде калыптанат, андан баш тартуу аз убакытты талап кылат деп ойлобо. Тандалган жолдон четтебей, эреже бузууда коркпо – бир түндө жаӊы сезонду толугу менен көрсөӊ дагы, организмиӊ эртеӊ менен сен туура эмес кылганыӊды билдирет. Аныкталган эрежени бузуу – бул нормалдуу нерсе. Бирок бул «бир жумалык күнөө» эмес, бир эле күн болсо жакшы.
• Өзүӊдү макта!Көксөгөн максатка карай эреже бузбастан бир жуманы өткөрдүӊбү? Азаматсыӊ! Өзүӊө белек сатып ал. Же дем алыш күнөрү жаӊы кинолордун бирин көрүүгө бир саат убактыӊды бөл.
• Жардам сура.Эгер чыдамыӊ азайып бара жатканын сезсеӊ – сени колдой турган адамдар менен сүйлөш. Досуӊа жаз, апаӊа чал, сүйүктүүӊ менен түнкү кинодон же ашыкча шоколаддан баш тартуу жөнүндө сүйлөш.
• Аны алмаштыра турган нерсе тап!Көйгөй менен беттешкенде ага эмне түрткү болуп жатканын талдап, ойлон. Эгер сөз ашыкча тамактануу жөнүндө болсо, бул азык-түлүк дүкөнүнө тизмесиз баруу, эгер уйкуӊ канбай калса, жаӊы сериалдын трейлери болушу мүмкүн. Мээӊ үчүн башка жолду ойлоп таап, алды ала даяр бол, мисалы, NovАge менен териӊе кам көрүү ритуалын кош. Ал териӊе оӊ таасирин тийгизип, эртеӊ менен өзүӊдү ишенимдүү сезип, ал эми уйку алдында эс алууга жардам берет.
• Мотивацияӊды жоготпо.Күн сайын өзүӊ менен иштеп, сен улам жакшырасыӊ. Идеалдуу болбойт. Башкысы – натыйжа жана ага карай бара жаткандагы тырышчаактык!