Пандемиядан кийин биз табигый көрүнгөн жана дзен сезимин берген таза жана денеге жакын түстөрдү кийип келебиз. Убакыттын өтүшү менен, көпчүлүк жөнөкөйлүк жана түсү ачык эмес палитрадан тажашып, акыркы жылы максималисттик, ачык түстөр жана макияж тездик менен популярдуулукка ээ болууда.
Биз азыр түстү өзүбүздүн ким экенибизди билдирүү, маанайыбызды көтөрүү жана өзүбүзгө болгон ишенимибизди тайманбастык менен көрсөтүү үчүн колдонобуз. Фокус жайбаракттыктан жана дзенден энергиялуу болууга: бизди жакшы сезе турган нерселерди жасоого, өзүбүздү билдирүү жана жашоодон ырахат алууга бурулду.
Дофаминдик кийимди өлчөп, дофаминдик сулуулукту жаратып көр!
Дофаминдик сулуулук TikTok-то өткөн жылы популярдуу болгон тренд – дофаминдик кийимдин артынан пайда болду.
«Дофаминдик кийим» термини дофамин сыяктуу маанайды жакшырткан кийимди билдирет. Мындай кийим өзүӊдү бактылуу сезүүгө жардам берет; көп учурда баштан аякка чейинки «дофаминдик образ» тайманбас, ачык түстөрдүн элементтеринен турат.
Бул макала жазылып жаткан учурда тренд 135 миллион көрүүнү топтогон, андыктан ал биз менен көп убакытка чейин калат деп болжоого негиз бар!
Ачык кызгылт Барбикор
Өткөн жылы өзгөчө популярдуу болгон түстөрдүн бири - Valentino Pink, Barbiecore эстетикасы же Viva Magenta, 2023-жылдын түсү. Бул терминдердин баары күндүн түсүнө айланган ошол эле ачык кызгылт фуксия түсүнө тиешелүү.
Бул түс тайманбас, назик жана күчтүү – жана сага да сөзсүз түрдө дофамин кубатын берет. Бул түс уялчаак кыздар үчүн эмес! Бул башкалардын көӊүл буруусун, алардын өзүнө болгон ишенимин сезүүсүн, алардын эсинде калууну каалаган адамдар үчүн.
Эгер бул сага окшош болсо, анда маанайыңды көтөрүү, ишенимиңди жогорулатуу жана стилиңди жакшыртуу үчүн дофаминдүү трендди колдонуп көр! Төмөндө кененирээк билип алсаӊ болот.
Ачык-кызгылт помада
Өзүӊө болгон ишенимди ачык, тайманбас кызгылт эриндерден башка эмне көрсөтө алат? Помаданын ачык түстөрү сага заматта жагымдуу, ишенимдүү жана бактылуу сезимдерди тартуулайт. Классикалык кызыл түстөрдүн ордуна, тайманбас, заманбап көрүнгөн фуксия түсүндөгү помаданы колдон.
Монохром түстөрүндөгү дофаминдүү кийим
Сен качандыр бир жолу толугу менен монохромдуу кийим кийип көрдүңүз беле? Кереметтүү көрүнүү жөнүндө сүйлөшөбүз! Өзүӊдүн назиктигиӊди, кылдаттыгыӊды жана күчүӊдү көрсөтүү үчүн башыӊдан аягыӊа чейин фуксия түсүндө кийин.
Эгер бул бир аз оор болуп көрүнсө, карамель кызгылт өңүн, келе жаткан 2024-жылдын тренд түсүн же Z муунунун сүйүктүү түсү болгон эӊ популярдуу «санарип лаванда»түсүн танда.
Эффекттүү жасалгалар
Ачыктык түскө гана жайылбайт: максимализм зергерлик тренддеринде да байкалат. Калың, оор алтын чынжырлар жана оор алтын шурулар жана чоӊ тегерек алтын сөйкөлөр акыркы убакта бардык жерде бар жана биз мунун себебин билебиз. Чоӊ жасалгалар жөнөкөй кийимди базалык кийимден сонун саркеч кийимге айланта алат!
Өзүӊдү жыпар жыт аркылуу билдир
Маалым болгондой, жыттар биздин маанайыбызга, физиологиябызга жана жүрүм-турумубузга таасир этет жана ачык кийим менен ага дал келген жыпар жыт керек болот. All or Nothing Amplified тубероза менен кызыл имбирдин гүлдүү жана ачуу ноталары менен тайманбас назиктикти чагылдырат.
Бул жыпар жыт бир бөлмөнү толтуруучу күчкө ээ жана аны кийүүгө батынуунун тымызын күчү бар. Муну билүү гана маанайыңды көтөрөт жана сага ишеним берет.
Эми сен дофамин трендинин куралдарына ээ болдуӊ. Өзүӊ жөнүндө мүмкүн болушунча ачык билдирүүгө даярсыӊбы?
